Спец. Д-р Анета Терзиевска

Електронска пошта:

anetaterzievska@gmail.com

Д-р Анета Терзиевска е родена на 18.03.1978 година во Скопје. Средно образование завршува во МУЦ Д-р „Панче Караѓозов“ Скопје. На Стоматолошкиот факултет во Скопје се запишува во учебната 1995/96 година а дипломира 2003 година со просечен успех 8,51. Стручниот испит го положила пред испитната комисија на Стоматолошкиот факултет во 2006 година. Во 2008 година се вработува во Стоматолошкиот Клинички центар ЈЗУ „Св. Пантелејмон“ Скопје, на Клиниката за Oрална хрургија и Имплантологија.

Специјализацијата по Орална хирургија ја завршува во Февруари 2018 година здобивајќи се со звањето – Специјалист по Орална хирургија. Остварува голем број на обуки и континуирана едукација преку посета на симпозиуми, работилници, конгреси и стручни конференции како и вебинари во организација на Стоматолошкиот факултет, Стоматолошката комора на Република Македонија, Македонското стоматолошко друштво, Здружението на специјалисти по орална хирургија и други. Автор е и коавтор на стручни трудови презентирани на повеќе семинари во земјата. Во мај 2017, февруари 2018 и септември 2018 год, д-р Анета Терзиевска како едукатор на носителот на курсот, д-р Жаклина Менчева во соработка со Промедика ги организираат и одржуваат трите курсеви за Пародонтална хирургија под наслов: „Mucograft vs Слободен гингивален графт – третман на гингивални рецесии, видови на флапови“.

Во учебната 2020/21 Др. Анета Терзиевска се запишува на трет циклус докторски студии од областа на Оралната хирургија на темата ,,Евалуација на влијанието на втората генерација тромбоцитно збогатен фибрин – PRF со мекоткивни аугментативни хируршки процедури”. Од јули 2025 е актуелен раководител на Клиниката за Орална хирургија и Имплантологија при ЈЗУ УСКЦ ,,Св. Пантелејмон” – Скопје.
Во Јануари, 2026 Др Анета Терзиевска ги започнува супсбецијалистичките студии од областа на Имплантологија.

Прим. др. спец. Ирена Стојанова, PhD

Електронска пошта:

irena.stojanova@yahoo.com

Прим. д-р Стојанова Ирена, PhD  работи на Клиниката за Орална Хирургија и
Имплантологија при Стоматолошкиот клинички центар “Св. Пантелејмон" Скопје. Член
е на EACMFS,  Македонското стоматолошко друштво и Здружението на орални
хирурзи. Автор и коавтор е на повеќе стручни трудови во домашни и странски
списанија.

Прим. нас. доц. спец. Ванчо Спиров, PhD

Електронска пошта:

spirov_v@yahoo.com

Примариус д-р Спиров Ванчо DDS, MSc, PhD, работи на Клиниката за Орална Хирургија и Имплантологија при Стоматолошкиот клинички центар “Св. Пантелејмон- Скопје” и е доцент на Факултетот за Медицински науки УГД Штип. Својата стручна надоградба од областа на имплантологијата ја обавува при Истанбулскиот Стоматолошки факултет на Клиниките за Орална и максилофацијална хирургија и Клиниката за имплантологија. Стручна едукација за Насочена имплантна терапија ја обавува на Факултетот за Дентална медицина при Hebrew University Hadassah School во израел. Автор и коавтор е на 68 стручно-научни трудови објавени во домашни и странски списанија. Во 2014 година е прогласен меѓу 100 најдобри доктори од страна на Министерството за здравство на Република Македонија. Добитник е на државна награда “Гоце Делчев” од областа на медицината и здраството за 2017 год. Д-р Спиров е член на Европската Асоцијација за Осеоинтеграција, член е на Македонско стоматолошко друштво и член на здужение на Орални хирурзи на Македонија.

Прим. нас. доц. др. спец. Мирјана Марковска Арсова, PhD

Електронска пошта:

markovskamirjana@yahoo.com

Прим. др. Мирјана Марковска Арсовска, PhD е родена во Скопје каде го  завршила основното и средното образование со одличен успех. Се запишува на Стоматолошкиот факултет во Скопје, како редовен студент и успешно го  завршува во 1998 година. Од 2002 година е вработена на Клиниката за орална хирургија при Стоматолошки клинички центар “Св. Пантелејмон“. Специјализацијата по орална хирургија ја запишува  во 2006 година, додека во 2009 година се стекнува со звањето специјалист по орална хирургија. Додипломските студии на Стоматолошкиот факултет  во Скопје ги завршува со успешна одбрана на магистерскиотот труд  во 2012 година, по што се стекнува со звањето магистер. Запишува докторски студии во 2016 година и со одбрана на докторска тема се стекнува со звањето доктор на науки од областа на оралната хирургија во 2019 година. Во 2019 година се стекнува и со звањето примарус. Активно ги користи англискиот и францускиот јазик. 

Доц. спец. Данчо Бизевски, PhD

Д-р Данчо Бизевски е специјалист по орална хирургија, примариус,
доктор на  стоматолошки науки и доцент на Катедрата за орална,
имплантолошка и максилофацијална хирургија на Факултетот за
дентална медицина  при МИТ Универзитетот во Скопје.
Во моментов е актуелен  продекан за наука.

Работата на д-р Бизевски има широко апликативно клиничко значење
во орално-хируршките и имплантолошките интервенции со посебен
акцент во естетската зона и ги следи најновите трендови во
оперативната дентална медицина.

Др. спец. Беџет Речи

Беџет Речи е роден во 1992 година во Струга. Дипломиран доктор по дентална
медицина (2017), магистер по ортодонција (2021) со тема „Карактеристики на
мекоткивниот профил кај различни неправилности во сагиталата“  и специјалист по
орална хирургија (2023). Работи во сопствената специјалистичка ординација  по
Орална хирургија „Д-р Рочи“, со концесија од ФЗО на Северна Македонија,
применувајќи современи и модерни стандарди на работа.

Проф. д-р Бруно Николовски, PhD

Др. спец. Игор Станков